31 Dekabr – Dini Yox, Siyasi Hadisədir.
Qarşıdan yeni il gəlir yenə bu haqda müzakirələr gündəmi zəbt edəcək
ELAZ.İNFO olarq qısa araşdırma etdik və bu araşdırmanı Sizin də diqqətinizə çatdırırıq.
Hər il dekabrda eyni fikir terroru yaşanır: adi bir bəzək, dini müharibəyə çevrilir. Bu absurd mübahisənin kökü sadəcə iki faktdan qaçmaq cəhdidir:
31 Dekabrın Mənşəyi: Yeni ilin 1 Yanvarda başlaması, İsanın doğumundan yüzillər əvvəl, e.ə. 46-cı ildə, Roma imperatoru Yuli Sezarın təqvim islahatıdır. Bu qərarın dini yox, idarəetmə və siyasi mahiyyəti var.
Azərbaycanın bu tarixi Dünya Azərbaycanlılarının Həmrəylik Günü elan etməsi, bayramın dini deyil, ümummilli, sekulyar dəyərini bir daha təsdiqləyir. Yolka bu Həmrəyliyin vizual fonudur.
31 Dekabr heç vaxt dini ayin olmayıb. Bu iddianı irəli sürənlər milli həmrəylik ruhunu zədələməyə cəhd edirlər.
Yolkanı “bütpərəstlik” və ya “şirk” simvolu adlandırmaq, Avropanın tarixi reallıqlarına və kommersiya faktlarına qarşı savadsızlıqdır.
Yolka, XVI əsrdə qışın qaranlığında yaşıl qalan ağacın Həyatın Davamlılığı və Ümidin simvolu kimi ailə içində bəzədilməsi ilə başladı. Bu, kütləvi ibadət deyil, ailəvi ənənə idi.
Oyuncaqların Həqiqəti: Şüşə toplar, zərlər və işıqlar dini məqsədlə yox, XIX əsr Almaniyasının sənaye ixtirası kimi, sırf bəzək və bazar məhsulları olaraq istehsal edilib. Onların yeganə mənası – gözəllik və şənlik yaratmaqdır.
Post-sovet məkanında Yolka ideoloji olaraq dindən tamamilə qoparılaraq dünyəvi bayramın mərkəzi dekorasiyasına çevrilib.
Yolka, ənənə və kütləvi istehsalın məhsuludur.
Xürafatçıların İkili Standartı
Bu mübahisədə ən kəskin tənqid, qadağa tələb edənlərin öz ziddiyyətli həyat tərzləridir.
Əgər Yolka kimi sadə bir dekorasiya “Qərbdən gəldiyi” üçün haramdırsa, onda belə qadağa tərəfdarlarının:
Qərb texnologiyası olan son model smartfonlar (iPhone, Android) vasitəsilə qadağa çağırışı etmələri niyə halaldır?
Niyə Avropa mühəndislərinin hazırladığı mühərrikli avtomobilləri sürürlər?
Deməli: Problem Yolkanın ağac olmasında yoxdur. Problem seçici, ikiüzlü məntiqdədir. Onlar yalnız asan hədəf olan dekorasiyanı vururlar, çünki qadağanı tələb etdikləri texnologiyalar olmadan yaşaya bilmirlər.
Yolka ətrafında illik gərginlik yaratmaq, cəmiyyətin dünyəvi həyatına nəzarət etmək üçün təşkil olunmuş ideoloji kampaniyadır. Qadağa tələb edənlərin əsas məqsədi dini təmizlik yox, sosial təsir və hakimiyyət qazanmaqdır.
Yolka sadəcə bir bəzəkdir.
31 Dekabr isə Dünya Azərbaycanlılarının Milli Həmrəyliyi günüdür.
Ruslan MƏMMƏDOV